يبدو لى اننا قد طبقنا قيم ديننا العليا وانتهينا منها .. وهى ان هذا الكتاب يهدى للتى هى أقوم .. وتماما لمكارم الأخلاق .. والتى منها مثلا :-
الصدق .. الشهامة .. المرؤة .. الشجاعة فى القول .. وفى الحق .. العدل .. الصبر على المكاره . ، و ايضا ..
مساعدة المحتاج .. الاحسان .. الحرية فى الرأى والمعتقد .. وقبل كل شئ التقوى وهى ثمرة كل عبادة .
وبعد ان طبقنا هذه القيم العليا وهى طبعا أصبحت واقعا معاشا وحتميا !! فيكفى ان نقول فى جلساتنا وونساتنا ..
...(( والله فلان ده زول أمين خلاس )) !!
... (( يازول ده شيكو ما بيرجع أصلو )) !!
.. (( أففففو .. ده زول بيمرق النصيحة وما تغالتو ساى ))
... (( ... الزول ده مودر قروشو كلها فى الناس .. يدى ده ويدى داك من غير سبب !! )) .
.. تهديد صحفى .. أو اغتياله .. أو سجنه .. لأنه قال الحقيقة .. او قال رأيه بحرية .. أو أسفر عن عقيدته ولتكن البوذية مثلا ..!!
وبالطبع لانصبر على المكاره .. فنحن مشهورين بأننا شعب شكاى ونقناق .. وبتاع كلاااام ساكت .. ولا ينظر أبعد من أسفل قدمه .
اذا بعد ان رأينا جليا استحساننا لقيم ديننا العليا بدأنا نهتم ونحتفل ونسكب المال أنهارا فى الاحتفال بما يسمى بليلة النصف من شعبان ..!
طبعا دايرين نعرف سبب الأحتفال ذاتو عشان شنو ..؟! .
ياجماعة .. يا أهل الله هووووى الشغلانه دى اصلها شغلانه شيعية 100% انتو ياسنة الدخلكم فيها شنو ؟ خاصة وانو علاقتكم بالشيعة سمن على عسل !!
الإثنين مايو 05, 2008 5:13 am
