بسم الله الرحمن الرحيم
انا مش هاخسر كتير
قد ما إنتي هاتخسري
إحسبيها وفكري
قلب مين كان الكبير
قلبي عمره ما كان أسير
خدي مني وإشتري
لازم بجد تقدري
تراعي الضمير
*******
مانا مش ممكن أعيشلك تاني
أشغل بالي وأضيع في ثواني
أنا احسنلي هاعيش وحداني
مش بالساهل احب أناني
يوم والتاني يقسى وينسانى
*******
حبيبي متفتكرشي
إن جرحك هد عرشي
لا دا بُعدك
إنت شئ بيمر عابر
مش غرور ومش بكابر
عادي بعدك
لو حنين الدنيا فيا
مش هتبكي فيوم عنيا
دمعة بعدك
إنت وردة دبل ورقها
ذكرى ماتت جوا مني
حاجة مش هامم فراقها
حاجة عادي غيابها عني
ليه فاكرني هموت فـ غيبتك
لأ دأنا لوحدي اللي سبتك
وأنا اللي إخترت بعدك
*******
أيوة باعلنها بتحدي
إنت مش هتحب بعدي
بكرة أيامك تعدي
بكرة تعرف معنى بُعدي
إنت البادي.. والبادي اظلم
ومسيرك تقسى قدي
وتدوق النار اللي في قلبي
*******
يمكن بعدي يكونلك أرحم
مانا مش هاسكت.. انا هاتكلم
بتقولي بحبك, وتخبي
وبتبعد اكتر عن حبي
أنا لازم أسيبك تتعلم
مانا مش ممكن أعيشلك تاني
أشغل بالي وأضيع في ثواني
أنا احسنلي اعيش وحداني
مش بالساهل احب أناني
يوم والتاني يقسى وينساني
*******
الثلاثاء مايو 06, 2008 10:30 am
